Artiklid
Faint mae peidio â gwasgaru sylffwr yn ei gostio i chi?
Mae nifer o gwmnïau ffermio, am reswm da, wedi'u gwreiddio mewn traddodiad a phan ddaw hi i brynu gwrtaith mae ffermwr yn parhau i brynu'r hyn y maent wedi bod yn ei brynu erioed. Ond os yw peidio gwasgaru sylffwr ar borfa yn costio dros £100/hectar i chi, a ddylai'r arfer hwn barhau?
Mae graddau o wrtaith sy'n cynnwys sylffwr yn cael eu diystyru'n rhy aml gan eu bod ychydig yn ddrytach o gymharu â'r un radd heb sylffwr. Fodd bynnag, o ganlyniad i dystiolaeth caiff sylffwr erbyn hyn ei argymell gan bob corff cynghori ffermydd annibynnol yn y DU, yn cynnwys yr AHDB yn Lloegr, IBERS yng Nghymru, yr SRUC yn yr Alban ac AFBI yng Ngogledd Iwerddon.
Rydym angen defnyddio sylffwr nawr oherwydd yn y gorffennol byddai symiau digonol ohono i'w gael yn ein glaw. Nawr, yn flynyddol mae'r glaw yn darparu llai na 5kg SO3/hectar.
Yn syml, mae sylffwr yn helpu nitrogen i weithio'n well, a phan fo nitrogen yn gweithio'n well mae'n gwella cyfraddau tyfiant gwair a hefyd yn rhoi cyfansoddiad gwell i'r gwair. Er enghraifft, os ydym yn tyfu 1,000kg yn rhagor o ddeunydd sych fesul hectar dim ond drwy ddefnyddio gwrtaith sydd â sylffwr ynddo, mae hyn wedi gwella effeithlonrwydd defnydd nitrogen. Mae 20kg yn fwy o nitrogen yn cael ei dynnu yn y 1,000kg yma o ddeunydd sych sy'n golygu bod llai o nitrad yn y pridd sydd ar gael i drwytholchi a allai o bosibl gyrraedd ein hafonydd. Mae hyn yn golygu bod y ffermwr a'r amgylchedd ar eu hennill.
Gwerthfawrogi effeithiolrwydd cost defnyddio sylffwr y tymor hwn
Llynedd (2017) comisiynodd Yara y Sefydliad Bwyd-Amaeth a Biowyddorau (AFBI) yng Ngogledd Iwerddon i edrych ar rôl sylffwr ar laswelltir. Cynhaliodd AFBI y treialon maes hyn ar ddau safle gwahanol yng Ngogledd Iwerddon.
Roedd y pridd yn Hillsborough yn cael ei ystyried yn briddglai a'r pridd yn Loughgall yn briddglai tywodlyd.
Cafwyd y cynnyrch deunydd sych (DM) dros 6 toriad. Defnyddiwyd cyfanswm cyfradd nitrogen o 204kg/hectar ar gyfer pob triniaeth, gyda'r YaraBela Nutri Booster yn darparu cyfanswm o 41kg SO3/hectar o sylffwr.
Gwerthfawrogi effeithiolrwydd cost defnyddio sylffwr y tymor hwn
Effaith sylffwr ar gynnyrch deunydd sych - safle treialu Hillsborough
Yn safle treialu Hillsborough rhoddodd y driniaeth a oedd yn cynnwys sylffwr 11.3 tunnell o gynnyrch sych o'i gymharu â 10.9 tunnell o gynnyrch sych fesul hectar heb sylffwr
Effaith sylffwr ar gynnyrch deunydd sych - safle treialu Loughall
Yn safle treialu Loughall rhoddodd y driniaeth a oedd yn cynnwys sylffwr 1.1 tunnell ychwanegol o gynnyrch sych fesul hectar
Beth yw gwerth y 750kg ychwanegol hwn o gynnyrch sych?
Cost tyfu'r 750kg ychwanegol hwn o gynnyrch sych oedd £15 yr hectar, yn seiliedig ar werth YaraBela CAN a YaraBela Nutri Booster.
Wrth gymharu gwerth y cynnyrch sych ychwanegol hwn i borthiant gwenith yn costio £138/tunnell a Hi-Pro Soya yn costio £305/tunnell, gyda defnydd pori o 85% yna mae'r 750kg hwn o DM yn werth £113.
Cyngor cysylltiedig
Hybu tyfiant y gwanwyn gyda gwasgaru nitrogen ynghyd a sylffwr
Bydd defnyddio nitrogen cynnar fel nitrad yn rhoi'r dechrau gorau i'r borfa, ond gwnewch yn siŵr eich bod yn cynnwys sylffwr - mae'n gwella effeithlonrwydd nitrogen ac yn gwneud yn iawn am y diffygion yn eich pridd.
Sut i gynyddu cynnyrch glaswelltir
Prif elfennau cynnyrch gwair yw nifer y dail fesul arwynebedd uned a'r cynnwys o ran deunydd sych. Mae rhaglen wrteithio gytbwys sy'n cynnwys yr holl facrofaethynnau a microfaethynnau yn hanfodol mwyn cael y gwerth maethol a'r cynnyrch gorau posibl.
Sut i wella ansawdd glaswelltir
Y tair elfen ar gyfer ansawdd glaswelltir a thir pori yw ansawdd porfa, ansawdd maethol ac iechyd anifeiliaid. Dylanwadir yn gryf ar bob un o'r elfennau hyn gan raglen faeth gytbwys.
Sut i gynyddu cynnwys seleniwm gwair
Mae gan anifeiliaid pori ofynion gwahanol am ficrofaethynnau na'r rheini sydd eu hangen ar gyfer tyfiant gwair. Mae seleniwm yn faethyn hanfodol i anifeiliaid ond nid ar gyfer planhigion felly mae'n bwysig bod digon ohono yn bresennol yn y gwair i...
Dylanwadu ar wair gwanwyn cynharach
Mae nifer o fanteision i gynyddu cyflenwad gwair gwanwyn cynnar fel y gall da byw ddechrau pori yn gynharach, nid y lleiaf arbed arian a fyddai fel arall yn cael ei wario ar brynu porthiant. Gall maeth chwarae rôl hollbwysig mewn dylanwadu ar dyfiant...
Rheoli defnydd gwrtaith gwanwyn a slyri ar gyfer pori
Yn dilyn blwyddyn arferol byddai'n rhesymol i ddisgwyl bod peth maethynnau yn dal ar gael ar gyfer gwair y gwanwyn, ond yn dilyn gaeaf arbennig o wlyb efallai na fydd hyn yn wir. Felly dyma ein cyngor ar gyfer rheoli defnydd gwrtaith gwanwyn a slyri.
Gwneud i wrtaith eich porfa weithio'n galetach
Mae gwrtaith wastad wedi bod yn fuddsoddiad da i ffermwyr da byw, boed eich bod yn tyfu porfa ar gyfer pori neu am leihau costau porthiant drwy well rheolaeth ar silwair.
Deg rheswm dros ddefnyddio YaraBela Nutri Booster yr haf hwn
Yr her rhwng nawr a'r hydref yw sicrhau'r tyfiant porfa gorau posibl fel y gellir ymestyn y tymor pori a bydd digon o silwair o ansawdd da ar gyfer y gaeaf. Er mwyn cefnogi ein ffermwyr da byw yn yr her hon rydym ni yn Yara yn datblygu cynhyrchion fel...
